Chi semus

Si sa Sardigna non t'agradat gasi comente est, si crees chi potzat o depat èssere una terra in chi non sceti pòdere gosare de sas bellesas suas, ma finas a èssere capatze de fraigare sa vida tua sena cumpromìtere sos aficos tuos. 
Si ti dolet cada bia chi bides unu filuferru ispinosu de una tzerachia imposta, leghes de muntonàrgios abusivos, de casos de maladias fatales semper prus numerosos. 
Si pensas chi sos giòvanos non depant emigrare pro netzessidade, e chi sos Paisos chi intro de binti annos diant pòdere èssere bòidos a lìmpiu, diant dèvere àere imbetze una segunda vida. Si non t'intendes rapresentadu, si crees chi siat pretzisu a fraigare unu percursu democràticu de a beru, in su cale a bènnere antis siant sas netzessidades de su territòriu e de sos tzitadinos e non de sas lobbies e potentados, chi avaloret cada aspetu artìsticu e culturale suo a livellu internatzionale.
Si pensas chi siat giustu a gherrare pro unu traballu istàbile, a amparare sos benes e sos servìtzios pùblicos dae sas privatizatziones. 
Si pensas chi sas limbas de Sardigna non depant mòrrere, e chi e chi a su ratzismu ispartu depat èssere contrapostu su cunfrontu e s'interatzione intre culturas, in intro de in foras de sas làcanas territoriales nostras. Si torras a vindicare su deretu de sa Sardigna a detzìdere. 
Si immàginas una Sardigna, insertada in unu cuntestu de raportos internatzionales fundados subra su diàlogu e sa cooperatzione e non subra sa gherra e s'ischirriadura. Tando non ses a sa sola. 
Semus medas a pensare chi siat su momentu pro fraigare una Caminera Noa. 
Fatzamus devènnere sas ideas unu progetu e su progetu un'atzione in comunu. Cumintzemus a caminare.